Voorkomende maatreëls word vereis om die kudde teen siektes te beskerm wat weens eksterne kontak opgedoen word. Die volgende kategorieë is van belang:

1. DIREKTE VEE-AANKOPE (en eie vee wat terugkeer)

Die volgende behoort geverifieer te word voordat nuwe diere in die kudde ingebring word:

• Hoe lank die diere by die vorige aankooppunt of plek gebly het.
• Of daar enige onlangse siekte-uitbrekings in die gebied was.
• Of eienaarskap duidelik deur brandmerke bevestig word.
• Of ‘n inentingsprogram gevolg is (dokumentêre of veterinêre bewys).
• Wat is die algemene plaaslike eksterne parasiete en die beheerprogram wat op ‘n roetine-basis gevolg word.
• Is ‘n veeartsondersteunende beheerprogram teen oordraagbare siektes gevolg.
• Datums en voldoende aantal toetse vir reproduktiewe siektes op beide manlike en vroulike diere.
• Datums en toetse vir soönotiese siektes.

Bogenoemde moet ook met die aankoper se eie veearts geverifieer word.

2. AANKOPE VAN VERKOPERS OF SPEKULANTE

• Koop net in gebiede wat nie naby geskeduleerde gebiede is nie.
• Doen ‘n visuele inspeksie van die diere voor aankope vir:

* brandmerke

* parasietbesmettings

3. VERVOER NA DIE PLAAS

• Gebruik net erkende vervoermaatskappye.
• Sorg dat die trok skoongemaak en ontsmet is.
• Maak seker die trok volg die kortste ononderbroke roete.
• Die trok moet die kortste roete na die hanteerfasiliteite volg.
• Moenie toelaat dat die trokpersoneel in aanraking kom met die plaaskudde nie.

• AANKOMS OP DIE PLAAS
• Wanneer die vee afgelaai word moet stres tot die minimum beperk word en vee moet visueel geëvalueer word vir onnatuurlike kondisies.
• Isoleer die diere van die plaaskudde en gedeelde fasiliteite vir ten minste 28 dae (kwarantyn).
• Toets weer vir siektes waaroor daar kommer is indien nodig voordat die nuwe diere met die res van die kudde meng.
• Prosesseer nuwe aankomelinge binne 24 uur na aankoms (unieke ID skyfie, brandmerk, dip, doseer, inent).
• Doen gereelde inspeksies.

5. VOERAANKOPE

• Maak seker dat hooibale nie aangekoop word van gebiede wat aangrensend tot geskeduleerde gebiede is nie.
• Koop net van erkende handelaars.
• Moenie voer koop wat in tweedehandse sakke verpak is nie.
• Maak seker voertrokke is skoongemaak en ontsmet, veral as dit ook gebruik word om diere na die abattoirs te vervoer.

6. BESOEKERS

• Moenie vreemdelinge of hul voertuie naby die vee toelaat nie.
• Maak seker heinings word goed onderhou. Dit moet jakkalse en vlakvarke verkieslik uithou.

7. WERKNEMERS

• Werknemers moenie toegelaat word om in die voerstore te eet nie.
• Voorsien werknemers van voldoende ablusiefasiliteite.
• Reël dat werknemers gereelde middels teen lintwurms ontvang en mediese roetine-ondersoeke ondergaan.
• Hou rekord van alle vee op die eiendom wat aan werknemers behoort.
• Behandel werknemers se vee met aparte, maar toegewyde gesondheidsprogramme.
• Maak seker werknemers verstaan waarom biosekuriteitsmaatreëls ingestel word sodat hulle sal help om daaraan te voldoen.